Германия терма жамоаси ярим ҳимоячиси Жамол Мусиала Испания терма жамоасининг 16 ёшли вингери Ламин Ямалнинг муваффақияти ҳақида гапирди.
Германия ва Испания терма жамоалари ўртасида бўлиб ўтадиган Европа чемпионати чорак финал учрашувида "Бавария" ва "Барселона"нинг ёш юлдузлари тўқнаш келишлари мумкин.
Жанг арафасида Мусиала Ямал ҳақида ўз фикрини айтди.
"16 ёшда бундай даражани кўрсатиш - бу ҳақиқий жиннилик! Ўша ёшда менда профессионаллар билан оддийгина машғулот ўтказиш учун жисмоний имкониятларим ҳам йўқ эди, лекин у доимо ўйнайди ва юқори стандартни сақлайди.
Буни томоша қилиш жуда зўр", - деди 21 ёшли Мусиала.