Германия терма жамоаси марказий ҳимоячиси Антонио Рюдигер Испанияга қарши Европа чемпионати чорак финал учрашуви ҳақида ўз фикрлари билан ўртоқлашди.
"Бу катта ўйин, ҳақиқий классика, мен буни интиқлик билан кутяпман. Назаримда, айни дамда турнирнинг энг яхши икки жамоаси тўқнаш келади.
Менимча, имкониятлар тенг. Биз тайёр бўлишимиз керак. Биз қатъиятли бўлишимиз ва олдинга интилишимиз керак, чунки испанларда ҳам заиф томонлар бор.
Улар тажовузкор прессинг қилишади, биз бундан фойдаланишимиз мумкин, аммо бунинг учун биз тўпни яхши ўтказишимиз ва босим остида хотиржам бўлишимиз керак. Хатога ўрин бўлмайди", - деди Рюдигер.