Germaniya terma jamoasi markaziy himoyachisi Antonio Ryudiger Ispaniyaga qarshi Yevropa chempionati chorak final uchrashuvi haqida o‘z fikrlari bilan o‘rtoqlashdi.
"Bu katta o‘yin, haqiqiy klassika, men buni intiqlik bilan kutyapman. Nazarimda, ayni damda turnirning eng yaxshi ikki jamoasi to‘qnash keladi.
Menimcha, imkoniyatlar teng. Biz tayyor bo‘lishimiz kerak. Biz qat’iyatli bo‘lishimiz va oldinga intilishimiz kerak, chunki ispanlarda ham zaif tomonlar bor.
Ular tajovuzkor pressing qilishadi, biz bundan foydalanishimiz mumkin, ammo buning uchun biz to‘pni yaxshi o‘tkazishimiz va bosim ostida xotirjam bo‘lishimiz kerak. Xatoga o‘rin bo‘lmaydi", - dedi Ryudiger.
