Мадриднинг "Реал" клуби яна бир трансферни амалга оширмоқчи.
The Mirror нашри ёзишича, Франция терма жамоаси ва Лондоннинг “Арсенал” клуби марказий ҳимоячиси Уильям Салиба "Қироллик клуби" эътиборига тушган. "Лос-Бланкос" скаутлари 23 ёшли футболчининг Германияда бўлиб ўтаётган Европа чемпионатидаги ўйинларини кузатиб боришмоқда.
Салиба терма жамоа билан биргаликда чорак финалга йўл олди, ушбу босқичда "уч ранглилар" Португалия билан куч синашади. Ўтган мавсумда ҳимоячи "канонирлар" сафида 50 та ўйинда иштирок этган. Франциялик футболчининг ҳисобида иккита гол ва битта голли узатма бор. Евро-2024 да Салиба тўртта ўйин ўтказди.
