"Манчестер Сити" жамоасининг биринчи рақамли посбони Эдерсон Мораес ўрнига янги дарвозабон излай бошлади. Бразилиялик дарвозабон Саудиянинг "Ан-Наср" клубига ўтишга яқин турибди.

Todofichajes нашри хабарига кўра, Словения терма жамоаси ва Мадриднинг "Атлетико" клуби дарвозабони Ян Облак "шаҳарликлар" бош мураббийи Хосеп Гвардиоланинг эътиборига тушган.

Аввалроқ матбуотда 31 ёшли футболчи ёзда жамоасини ўзгартириши мумкинлиги ҳақида хабарлар тарқалган эди. Словенияликнинг трансфер нархи 28 миллион еврога баҳоланмоқда. Унинг "матрасчилар" билан шартномаси 2028 йилнинг ёзида якунига етади.

2024 йилги Европа чемпионатида Облак Словения терма жамоаси билан биргаликда 1/8 финалга чиқди ва унинг жамоаси Португалияга пенальтилар сериясида мағлуб бўлди.