"Манчестер Сити" ва Бельгия терма жамоаси ярим ҳимоячиси Кевин Де Брюйне фаолиятини Саудия Арабистонида давом эттириши мумкин.
Таниқли инсайдер Руди Галеттининг хабар беришича, 33 ёшли футболчи "Ал-Иттиҳод" билан оғзаки келишувга эришган ва клуб бу трансферга розилигини билдирган. Қайд этилишича, "Манчестер Сити" бельгиялик футболчини қўйиб юборишга тайёр, эндиликда клублар трансфер суммасини келишиб олишлари керак.
Де Брюйненинг "шаҳарликлар" билан шартномаси 2025 йилнинг ёзига қадар мўлжалланган. Transfermarkt портали футболчининг нархини 50 миллион еврога баҳоламоқда.
Ўтган мавсумда Де Брюйне барча турнирлар доирасидаги 26та ўйинда майдонга тушиб, 6та гол ва 18та голга ассистентлик қилган.
Эслатиб ўтамиз, "Ал-Иттиҳод" сафида Карим Бензема, Н'Голо Канте ва Фабиньо каби футболчилар ўйнамоқда.
