Франция терма жамоаси Европа чемпионатининг ярим финалчисига айланди.
Жума оқшомида Дидье Дешам шогирдлари Португалияни голсиз дурангдан кейин пенальтилар сериясида мағлуб этишди.
Пенальтилар сериясида ягона ўтказиб юборилган зарбани Жоау Феликс амалга оширди – португалиялик дарвоза тўсинига зарба берди.
Ўйиндан сўнг Франция терма жамоаси сардори Килиан Мбаппе жамоа дарвозабони Майк Меньянни эътироф этди.
"У қўрқувни уйғотади. Менда аниқ тушунтириш йўқ, лекин Феликс дарвоза тўсинига зарба берганида, дарвозабон зарбани қайтариши мумкинлигини билганди.
Агар шундай дарвозабонга тўқнаш келсангиз, дарвозага берган зарбангиз баъзида устунга тегади", - дея Мбаппенинг сўзларини келтирмоқда La Parisien.
