Лионель Мессининг отаси Хорхе Месси оиласининг Каталонияга келганини хотирлади.
«Биз оиламиз билан Италия ёки Барселонага кетишга қарор қилган эдик. Лео «Барселона»да қолишни жуда хоҳлаган эди. «Реал» ҳақида эса ўйлаганимиз йўқ. Ўғлимнинг даволаниши керак бўлгани учун клуб танлашда бошимиз қотган эди. Охир оқибат биз «Барселона»ни танладик.
Агар «Ньюэллс» Леонинг даволаниши учун пул тўлаганида биз Аргентинада қолардик. Мен «Барселона»да баъзи нарсаларни талаб қилганман, чунки ўша вақтда мен нима қилишни билмай қолган эдим. Уни ҳа деганда академиядан қўйиб юборишмасди. Клубнинг қандай режалари борлигини билмасдим. Ва мен уларнинг олдига танлаш имкониятини қўйдим: ёки муаммони ҳал қилинглар, ёки биз қайтиб кетамиз. Улар менга хат юборишди ва ҳаммаси жойида бўлишини айтишди. Ўшандан буён барчаси ўз ўрнида.
Ўғлимнинг футбол даҳоси эканини қачон билганман? У туғилганда мен мураббийлик қилардим ва ўшанда унинг барчадан яхши ҳаракат қилишини кўрганман»,- дейди Хорхе Месси.