Европа чемпионати-2024 чорак финал босқичи доирасида Англия ва Швейцария терма жамоалари ўртасида ўйин бўлиб ўтди. Учрашув 1:1 ҳисобида дуранг билан якунланган бўлса, пенальтилар сериясида Гарет Саутгейт шогирдлари аниқроқ ҳаракат қилишди – 5:3.
Британиянинг Daily Mail таблоиди журналистлари сўнгги учрашув натижаларига кўра "уч шерлар" футболчиларига баҳо беришди. Марказий ҳужумчи Харри Кейн ўн очколик баллдан тўрт баллга лойиқ кўрилди ва Англия жамоасининг энг ёмон аъзоси деб топилди. Энг яхшиси Букайо Сака бўлди - 8,5.
Англия терма жамоаси Европа чемпионатининг ярим финалига чиқди ва у ерда Нидерландия терма жамоаси билан учрашади. Ўйин 10 июль куни бўлиб ўтади.