Эмерсон Роял фаолиятини "Милан"да давом эттириши мумкин.
Calciomercato хабарига кўра, ҳимоячи шартномага рози бўлган. У мавсум учун 3 миллион евро олади. Шартнома узайтириш имконияти билан беш йил ёки тўрт йилга тузилади.
Бироқ “Тоттенхэм” билан ҳали келишувга эришиб бўлмади. Лондонликлар тахминан 14 миллион евролик таклифни рад этишди ва 20 миллион талаб қилишмоқда.
Инсайдерлар Маттео Моретто ва Фабрицио Романонинг хабар беришича, томонлар шу ҳафта келишувни яна муҳокама қилишади. Италия ва Англия клублари музокараларни тезроқ якунламоқчи.
"Тоттенхэм" сўралган суммага яқин пул олиши кутилмоқда.
Роял ўтган мавсумда АПЛда 22 ўйин ўтказиб, 1 гол урган.
