"Бавария"нинг чап қанот ҳимоячиси Альфонсо Дэвис жорий трансфер ойнасида клубини ўзгартириш эҳтимоли юқори.

Канадалик футболчи 2025 йилда тугайдиган шартномасини янгилашга шошилмаяпти. "Реал Мадрид" 23 ёшли футболчига қизиқиш билдиришда давом этмоқда ва арзон нархда трансферни амалга оширишга умид қилмоқда. Аввалроқ “Бавария” Дэвисни сотишдан бош тортган эди, аммо вазият янгича тус олаётгандек. Kicker'нинг янгиланган маълумотларига кўра, ҳаммаси футболчининг ёз охиригача немис грандлари сафини тарк этиши томон кетмоқда.

Transfermarkt Альфонсо Дэвиснинг нархини 50 миллион еврога баҳолаган.