"Бавария" спорт кенгаши аъзоси Макс Эберль "Кристал Пэлас"дан ярим ҳимоячи Майкл Олисенинг трансфери ҳақида фикр билдирди.
Кеча, 7 июль куни мюнхенликлар 22 ёшли футболчи билан шартнома имзолаганини расман эълон қилди.
“Майкл Олисе - ўзгариш қила оладиган футболчи. У ўйин услуби билан эътиборимизни тортди. Музокаралар чоғида у тезда "Бавария"га ўтишни хоҳлаётганини айтди", - дея Эберлнинг сўзларини келтиради Мюнхен матбуот хизмати.
Ўтган мавсумда 22 ёшли Олисе барча мусобақаларда 19 та ўйинда иштирок этиб, ўнта гол урди ва олтита голли узатмани амалга оширди.
