Европа лигасининг сўнгги чорак финал учрашуви ҳам поёнига етди ва қолган учрашувлардан фарқли равишда сўнгги ярим финал иштирокчиси бу сафар фақатгина пенальтилар сериясидан кейингина аниқланди.

Лондонда жуда кўпчилик учун кутилмаганда 2:2 ҳисобида дуранг ўйнаб қайтган швейцарияликлар ўз уйларида кечган учрашувда ҳам худди шундай натижани қайд этишди. Натижада қўшимча дақиқаларга эҳтиёж сезилди. Қўшимча дақиқаларда ҳам ғолиб аниқланмагач, пенальтилар сериясида барчаси ҳал бўлди.

Ғолибни аниқлаш учун «Базель» футболчилари 4та, «Тоттенҳэм» футболчилари эса учта зарба беришларининг ўзи етарли бўлди. Мезбонлар бирорта зарбада адашмаган бўлса, «Тоттенҳэм»дан Бенуа Ассу-Экотто ва Эммануэль Адебайорлар хатога йўл қўйишди. Натижада «Базель» сўнгги ярим финалчи сифатида мусобақани давом эттирадиган бўлди.

Европа лигаси
1/4 финал, жавоб учрашуви

БАЗЕЛЬ (Швейцария) – ТОТТЕНҲЭМ (Англия) 2:2 (1:1, 2:2, 2:2) пен — 4:1
Голлар: Сала (27), Драгович (49) – Демпси (23, 82).
Базель: Зоммер, Ф. Деген, Шер, Драгович, Пак Чжу Хо, Ф. Фрай, Эль-Ненни, Ди (Диас, 59), Сала (А. Фрай, 111), Штокер (Штайнхофер, 70), Штреллер.
Тоттенҳэм: Фридель, Уокер, М. Доусон, Вертонген, Нотон (Ассу-Экотто, 79), Дембеле (Т. Кэрролл, 59), Паркер (Хаддлстоун, 77), Холтби, Демпси, Сигурдссон, Адебайор.
Огоҳлантиришлар: Нотон (39), Дембеле (45), Штокер (52), Демпси (52), Ди (58), Штреллер (90), М. Доусон (90), Уокер (90), Эль-Ненни (103).
Четлатиш: Вертонген (90+1).
Дастлабки учрашув — 2:2.