"Рома"нинг чап қанот ҳимоячиси Леонардо Спинаццола янги клуби билан шартнома имзолашга яқин турибди. Журналист Николо Шкиранинг хабарига кўра, италиялик футболчи айни дамда "Наполи"да тиббий кўрикдан ўтмоқда.
Аввалроқ Спинаццоланинг "Рома" билан шартномаси якунланган, шундан сўнг футболчи эркин агентга айланганди. Футболчи яқинда Антонио Конте бошчилигидаги "Наполи"да ўйнашга рози бўлди.
Спинаццола аввалроқ Италия терма жамоаси билан Европа чемпиони бўлганди. Сўнгги А Серияда футболчи 24 та ўйин ўтказиб, 1 та гол ва 2 та голли узатмани амалга оширган.
