Мюнхеннинг "Бавария" клуби ва Германия терма жамоаси ҳужумчиси Лерой Сане эски жароҳати туфайли операция қилингани ҳақида хабар берди.
"Германия терма жамоаси Европа чемпионатидан чиқиб кетганидан сўнг, Лерой Сане душанба куни Мюнхенда кичик инвазив жарроҳлик амалиётини ўтказди. Ўтган мавсум охирида "Бавария" футболчиси оғриқ билан ўйнаган эди. Муваффақиятли операциядан сўнг, 28 ёшли футболчи июл ойи охирида Европа чемпионатининг бошқа иштирокчилари билан машғулотларга қайтиши керак", - дейилади клуб расмий сайтидаги хабарда.
5 июль куни турнирнинг 1/4 финалида Германия терма жамоаси Испанияга 1:2 ҳисобида имкониятни бой берганди.
