Дани Ольмо Евро-2024 нимчорак финалида Францияга қарши ўйиндан олдинги фиклари билан ўртоқлашди.
"Франция жуда яхши жамоа ва агар улар ярим финалга қадар бу ерда бўлишга лойиқ бўлсалар, бу ажабланарли эмас. Биз уларнинг футболчилари нималарга қодирлигини биламиз. Уларнинг индивидуал техник кўникмаларини ҳисобга олиш керак, лекин умуман олганда, биз нима қилаётганимизга эътибор қаратишимиз керак деб ўйлайман. Бизда жуда яхши динамика бор, биз жуда яхши ўйнаяпмиз, шунинг учун ҳам худди шундай руҳда давом этишимиз керак.
Мбаппе – фарқни яратувчи футболчи ва биз эҳтиёт бўлишимиз керак, аммо уларда бошқа ажойиб ўйинчилар бор – Дембеле, Гризманн, Канте, турнирни жуда яхши ўтказаётган Рабьо... Биз барча ҳужумкор ўйинчиларга эҳтиёт бўлишимиз керак, лекин биз тайёр бўламиз.
Уларнинг ярим финалга қандай етиб келгани муҳокама қилиниши мумкин, аммо улар бу ерга муносиб. Ғалаба қозониш учун сиз азоб чекишингиз керак. Улар қўшимча таймларда ўйнашди, пенальтиларда ғалаба қозонишди. Биз уларга қарши ўйнадик ва улар нимага қодирлигини яхши биламиз", - деди Испания ва "Лейпциг" ярим ҳимоячиси.
