"Манчестер Юнайтед" "Челси"дан ҳимоячи Бен Чилуэллни сотиб олиш имкониятини кўриб чиқмоқда, деб хабар беради Daily Mail нашри.
"Манчестер Юнайтед" ҳимоянинг чап қанотида Люк Шоу билан рақобатлаша оладиган, шунингдек, унинг жароҳати тарихини инобатга олган ҳолда унинг ўрнида ўйнай оладиган футболчи қидирмоқда.
Шоу жароҳатидан фориғ бўлгани билан февраль ойидан бери “Манчестер Юнайтед”да ўйнамади. Бироқ, Англия терма жамоаси бош мураббийи Гарет Саутгейт Люкни Евро-2024га олиб кетди ва у Швейцарияга қарши чорак финал учрашувида захирадан майдонга тушгунига қадар тикланишда давом этди.
Чилуэллнинг ўзи тиззасидан олган жароҳати туфайли "Челси"нинг 2023/24 йилги мавсумдаги сўнгги етти ўйинини ўтказиб юборган эди.
