Франция терма жамоаси ҳужумчиси Антуан Гризманн Европа чемпионати якунларини сарҳисоб қилди. Кеча, 9 июль куни французлар ярим финал учрашувида Испания терма жамоасига 1:2 ҳисобида имкониятни бой бериб, турнирни тарк этишди.
"Мен чемпионатни ёмон бошладим ва захира ўриндиғида қолдим...
Мен бор кучимни беришга ҳаракат қилдим, шунингдек, турли позицияларга мослашишга мажбур бўлдим. Биз бутун Еврода ҳимояда жуда яхши ўйнадик, лекин ҳужумда жуда кўп имкониятларни қўлдан бой бердик ва бу бизга зарар етказди.
Захира? Шундай бўлади. Футболчининг ҳаёти шундай. Бошқалар бир дақиқа ҳам ўйнамади, мен шикоят қиладиган одам эмасман", - дея Гризманн сўзларини келтирмоқда Footmercato.
