Тарихдаги энг титулли немис футболчиси Томас Мюллер терма жамоадаги фаолиятини якунлаш бўйича якуний қарорни қабул қилди, деб хабар беради Bild.
Мюллер 12 карра Германия чемпиони ва олти карра мамлакат кубоги соҳиби. Шунингдек, ҳужумчи “Бавария” билан Чемпионлар лигасида икки марта, УEФА Суперкубогида икки марта ва клублар ўртасидаги жаҳон чемпионатида ҳам шунча марта ғалаба қозонган.
Мюллер Германия терма жамоасидаги дебютини 2010 йилда ўтказган ва тўрт йилдан сўнг Бразилиядаги турнирда жаҳон чемпиони бўлган ва у ерда футболчи бешта гол урган. Атиги 14 йил ичида у терма жамоа сафида 131 та ўйин ўтказиб, 45 та гол урган.
