Нидерландия терма жамоаси дарвозабони Барт Вербрюгген ўйин олдидан Харри Кейннинг пенальтисига тайёргарлик кўрганини тан олди.
Англия сардори 18-дақиқада Евро-2024 ярим финал учрашувида 11 метрлик нуқтадан аниқ зарба берди ва ҳисобни тенглаштирди. Дарвозабон зарба йўналишини аниқ тахмин қилди, бироқ тўпга етиб бормади.
“Биз яхши тайёргарлик кўрдик. Мен Кейн қандай зарба беришини билгандим ва у мен кутган йўналишда зарба берди. Пенальтини қайтаришга яқин эдим. Лекин зарба жуда яхши ижро этилди, Кейн ҳурматга лойиқ”, - деди Вербрюгген ўйиндан кейинги интервьюсида.
