Нидерландия терма жамоаси ва “Милан”нинг марказий ярим ҳимоячиси Тиджани Рейндерс фаолиятини Испания чемпионатининг топ-клубида давом эттириши мумкин. Бу ҳақда Todofichajes портали хабар бермоқда.

Манба берган хабарга кўра, 25 ёшли футболчининг хизматларига "Реал" қизиқиш билдирмоқда. "Лос-Бланкос" Тиджанини Жошуа Киммихга муқобил сифатида кўрмоқда. Агар "Бавария" футболчисининг трансфери амалга ошмаса, испанлар нидерландиялик футболчи вариантига ўтади.

Рейндерс ўтган ёздан бери “россонерилар” сафида тўп тепмоқда. Томонлар ўртасидаги меҳнат шартномаси муддати 2028 йилда тугайди. Футболчининг трансфер қиймати 30 миллион еврога баҳоланмоқда.