"Ювентус"нинг янги аъзоси Кефрен Тюрам бу жамоага ўтиши ҳақида фикр билдирди.
Франциялик футболчи "Ницца"дан Турин клуби сафига келиб қўшилди. Трансфер нархи 20 миллион еврога баҳоланмоқда.
"Кичиклигимдан бу ерда бўлишни орзу қилардим. Ажойиб туйғуларга чўмганман. Мен отамнинг "Стадио делле Алп"да ўйнаганини эслайман, Златан Ибраҳимовични эслайман, у энг зўри эди.
Отам менга “Ювентус” Италиядаги энг катта клуб, дунёдаги энг яхши клублардан бири эканлигини айтди.
Улар бу ерда ҳар доим ғалаба қозониш учун ўйнашади. "Ювентус"га чақирилганингда бу таклифни рад этишнинг иложи йўқ", - дейди "бьянконерилар" билан беш йиллик шартнома имзолаган Тюрам.
