"Манчестер Сити" "Барселона"нинг трансфер мақсади бўлган ўнг қанот ҳимоячиси Жоау Канселу учун нарх белгилади.
Эслатиб ўтамиз, португалиялик футболчи ўтган мавсумда "кўк-анорранглилар" сафида ижара асосида ўйнаганди. Barca Universal нашри хабарига кўра, "Манчестер Сити" Канселуни 20 миллион евродан камроққа сотишга тайёр.
"Шаҳарликлар" раҳбарияти мавсумолди машғулотлар бошланишидан олдин португалияликлардан қутулмоқчи. Манбага кўра, "Манчестер Сити" сотиб олиш мажбурияти билан ижарани қабул қилади, аммо "Барселона" бундай келишувга қизиқмаяпти. "Кўк-анорранглилар" яна ижара билан кифояланади. Пойгада Жоаунинг собиқ клуби Туриннинг "Ювентус" клуби ҳам иштирок этмоқда.
