Франция терма жамоасининг собиқ ярим ҳимоячиси Жером Ротеннинг фикрича, Антуан Гризманн терма жамоадаги фаолиятини якунлаши керак. "Атлетико Мадрид" форварди Евро-2024 доирасидаги 6 та ўйинда гол ура олмади.
"Гризманнинг Франция терма жамоасидаги яхши ўйинлари ўтмишга айлана бошлади. 2018 йилдан бошлаб унинг ўрнини бошқа футболчилар эгаллашди ва у аста-секин аҳамиятини йўқота бошлади.
2021 йилда Бензема ва Мбаппе комбинацияси Антуанни ортда қолдирди. У якун яқинлигини олдиндан кўрган ва сезган бўлса керак. Буюк ўйинчилар қачон тугатишни билишлари керак. Ўйлайманки, у клубдаги мавсумидан сўнг йирик турнирларда ўйнай олмайди, айниқса Диего Симеоне талаб қилаётган иш ҳажмини ҳисобга олсак.
Менимча, у "тўхтат" деб айтиши керак. Варанга қаранг, у чўққида кетди. Гризманн 2026 йилда ҳам терма жамоада бўлишига ишонмоқда. Менимча, у кетишга жуда кеч бўлди", - деди Ротен Topmercato билан суҳбатда.
