Туриннинг "Ювентус" клуби Душан Влаховичнинг маошини камайтирмоқчи.
Il Corriere dello Sport нашри хабарига кўра, йиллик маоши катта бўлгани учун "кекса синьора" раҳбарияти футболчининг жамоада келажаги борлигига шубҳа қилмоқда.
Эслатиб ўтамиз, Влахович йилига 12 миллион евро маош олади. Айни дамда "кекса синьора" иккита вариантни кўриб чиқмоқда: улар ё Влахович билан шартномани янги шартларда узайтирадилар, ёки уни ушбу трансфер ойнасида сотишади. Душан йиллик маошини камайтиришга рози бўладими ёки йўқми ҳозирча номаълум. Ўтган Италия чемпионатида 24 ёшли Влаҳович 16 та гол ва 4 та голли узатмани амалга оширди.
