FA раҳбарлари Гарет Саутгейтнинг Евро-2024 финали натижасидан қатъи назар, Англия терма жамоаси бош мураббийи сифатида қолиб, янги шартнома имзолашини исташмоқда.

Уларнинг фаолияти мунтазам танқид қилинса-да, Англия Евро-2024 финалига чиқди ва у ерда якшанба куни Испанияга қарши ўйнайди.

Германиядаги турнир олдидан ҳам Саутгейт, агар у кубок билан уйга қайтолмаса, кетишига тўғри келишини айтганди, аммо ассоциация финал ўйинидан қатъи назар, Гарет билан ишлашни давом эттиришга қарор қилди, дея хабар беради Daily Mirror нашри.

Саутгейтнинг амалдаги шартномаси декабрь ойида тугайди ва FA Гаретга ЖЧ-2026ни қамраб оладиган янги шартнома таклиф қилишга тайёр. Ассоциация Эдди Хау ва Грэм Поттер ҳақидаги миш-мишларга қарамай, Саутгейтнинг ўрнига муносиб номзодни кўрмаяпти.

Саутгейтнинг ўзига клуб даражасида яна уриниб кўриш ғояси ёқади, аммо олдинги ойларда унга астойдил мурожаат қилган "Манчестер Юнайтед" варианти энди мавжуд эмас.