Миллий Баскетбол Ассоциацияси (НБА) телевидение ҳуқуқлари бўйича рекорд даражадаги 76 миллиард долларлик келишув шартларига рози бўлди, деб хабар беради ОАВ.
11 йилга мўлжалланган шартнома 2025/26 йилги мавсумдан бошлаб амал қилади.
AP'нинг ўз манбасига таяниб хабар беришича, келишув келаси ҳафта Лас-Вегасда бўлиб ўтадиган ассоциация йиғилишида тузилади.
Қайд этилишича, келишув тузилса, 2025/26 йилги мавсумдан бошлаб НБА ўйинлари ҳафтасига етти кун миллий телевидение орқали намойиш этилади.
Асосий телерадиокомпаниялар ESPN ва ABC каналлари бўлиб қолади. Disney'нинг НБА билан янги келишув бўйича тўловлари йилига 2,6 миллиард долларни ташкил қилади (олдинги телерадиокомпания билан тузилган шартнома йилига 1,4 миллиард доллар эди).
ESPN ва ABC НБА финали ва конференция финалларидан бирини ўз ичига олган лиганинг асосий тўпламини эфирга узатишда давом этади.
