Турли футбол рейтинглари ва мусобақалар ўтказилиш тартиби, қуръалар ҳақида маълумотлар бериб борувчи www.football-rankings.info сайти ЖЧ-2014 саралаш босқичида иштирок этаётган терма жамоаларнинг имкониятларини фоизда баҳолаб чиқди.

Ўзбекистон терма жамоасининг ЖЧга бориш имконияти 76,84 фоиз деб баҳоланган. Биз билан бир гуруҳда иштирок этаётган Жанубий Кореянинг шанси 94,14%га тенг. Эроннинг имконияти пастроқ баҳоланган — 41,02%. Қатарнинг кўрсаткичи эса 5,95% бўлса, Ливанники — 0,02%.

Сайт Япония терма жамоасининг ЖЧга чиқиш имкониятини 100 фоизга баҳолади. Фақатгина кунчиқар юрт вакилларининг Мундиал бормай қолишини эҳтимолини 10 мингдан 1га тенг, дея ёзади номи юқорида келтирилган сайт.

Осиё минтақасидаги "В" саралаш гуруҳида Австралиянинг шанси 71,59 фоизга тенг деб баҳоланган бўлса, қолган 3та жамоанинг имкониятлари қуйидагига тенг: Иордания — 19,77%, Ироқ — 11,52%, Уммон — 10,77%.

Бошқа қитъалар бўйича қуйида мамлакатларнинг имкониятлари юқори баҳоланган:
99.99% - Аргентина
99.9% - Голландия
98.92% - Испания
98.12% - Эквадор
97.97% - Германия
97.8% - Колумбия
95.73% - Россия

Жамоаларнинг имкониятлар жадвали билан қуйидаги ҳаволада танишиб олишингиз мумкин.