"Манчестер Сити"нинг чап қанот ҳимоячиси Серхио Гомес "Реал Сосьедад"га ўтди. Томонлар 2029/30 йилги мавсум охиригача шартнома имзоладилар, деб хабар беради клуб матбуот хизмати.
ОАВ хабарига кўра, 23 ёшли испаниялик футболчининг трансфери "Реал Сосьедад"га бонуслар билан бирга 10 миллион еврога тушган. Агар футболчи қайта сотилса, "Манчестер Сити" яна 30 фоиз олиши мумкин.
Гомес "Барселона" тарбияланувчиси ва 2018 йил бошида "Боруссия Дортмунд" билан шартнома имзолади. 2019 йилдан 2021 йилгача у "Уэска"да ижара асосида ўйнаган. 2021 йилнинг ёзида Гомес "Андерлехт"га сотилди ва бир йилдан сўнг "Манчестер Сити"га ўтди.
Ўтган мавсумда Гомес "Манчестер Сити" таркибида 15 та ўйинда қатнашиб, битта голли узатмани амалга оширган.
