Мадриднинг "Реал" клуби ва Украина терма жамоаси дарвозабони Андрей Лунин мадридликлар дарвозабонлари ўртасидаги рақобат ҳақида гапирди.
"Якунда мураббий бир қарорга келди ва мен яна иккинчи дарвозабон бўлишимга тўғри келди. Мен ишлашим ва яна кутишим керак эди. Хотиним менга ҳар доим руҳий жиҳатдан катта ёрдам беради, шунинг учун Кепа жароҳат олганида мен тайёр эдим. Кейин мен билан катта ишларни қилиш мумкинлигини, катта ютуқларга тайёр эканлигимни кўрсатишга ҳаракат қилдим.
"Реал" ҳаммага руҳий жиҳатдан талабчан. Куртуа билан боғлиқ муаммолар бўлганида мен захира дарвозабон бўлишга ва ўйнашга тайёргарлик кўраётгандим, лекин у жароҳат олганида бу энг ёмон сценарий эди. Бу даҳшатли эди, чунки Куртуа мени доим қўллаб-қувватлаган ва далда берган. Кейин мен ҳам уни қўллаб-қувватладим, чунки у бунга лойиқ эди", - деди Лунин Marca нашрига берган интервьюсида.
Лунин 2023/24 йилги мавсумда “Реал” сафида 31 та ўйинда майдонга тушиб, 32 та гол ўтказиб юборган ва 12 та ўйинда дарвозаси дахлсизлигини сақлаб қолган.
