"Барселона"нинг польшалик ҳужумчиси Роберт Левандовски Лодзь университетида магистратура дипломини сотиб олганликда гумон қилинмоқда, деб хабар бермоқда ОАВ.
Университет ўқитувчиларидан бири футболчи ўз имтиҳонларига келмаганини, аммо қандайдир тарзда ўтганини тан олди.
Onet.pl хабарига кўра, Польшада сохта олий маълумот дипломлари билан боғлиқ жанжал 2019 йилда бошланган. Лодздаги хусусий ижтимоий фанлар университети профессорларидан бири, бир вақтлар "Лодзь" футбол клуби директори бўлган Збигнев исмли шахс жиноий иш билан қўлга олинди ва диплом сотишда айбини тан олди. Унинг телефонида терговчилар таниқли футболчилар ва уларнинг оила аъзолари билан ёзишмаларни аниқладилар.
Қайд этилишича, терговчилар қўлга киритган материаллардан Збигнев Роберт Левандовски учун магистрлик даражасини тайёрлагани маълум бўлди. Шунингдек, у футболчи ва унинг рафиқасига MBA (Master of Business Adminstration) даражасини дарсларга қатнашмасдан олишни таклиф қилган.
