Хабарингиз бор, "Навбаҳор" эртага Зарафшонда "Қизилқум" билан 5-тур доирасидаги учрашувни ўтказади.

Кеча йўлга чиққан наманганликлар бугун эрта билан Зарафшонга этиб келишиб, ўзлари учун ажратилган меҳмонхонадан қўним топишди. Жамоа таркиби мукаммал ҳолга келтирилганлиги қувончли ҳолат.

"Умуман олганда, клуб ички муҳити ҳавас қиларли даражада. Анчадан бери бундан муҳитни кўрмагандик" - дейди "Навбаҳор"нинг ашаддий мухлисларидан саналган Зоҳидхон Икромов. Албатта, футболчилар бир-бирлари билан аҳил-иноқ бўлишлари жамоанинг бир текис ўйин кўрсатишида муҳим роль ўйнайди.

Футболчилар билан кичик мулоқотлар қилганимизда шунга амин бўлдикки, "Навбаҳор" албатта "Қизилқум"дан очко тортиб олади! Ўйинга тайёргарлик ҳам маромида бўлди. Демак, биз "Навбаҳор"дан ғалаба кутишга ҳақлимиз!

Умид қилиб қоламизки, эртага "лочинлар" мўъжазгина "Прогресс" ўйингоҳида баланд парвоз қилиб, "гуллар шаҳри"га ёруғ юз билан қайтишади. Бу борада барча футболчи-ю, мураббийларга омад тилаб қоламиз! Дарвоқе, эртага ҳам жамоани Мустафо Байрамов майдонга олиб тушади.

Шуни унутмангки, мухлислар доим Сизларга мададкор бўлиб келишган! Олға, "Навбаҳор"!!!