Патрис Эвра ўзига қўйилган шартли жазога муносабат билдирди.
Аввалроқ суд Франция терма жамоасининг собиқ сардорини 2021-йил 1-майдан 2023-йил 28-сентябргача рафиқаси Сандра Эврани ташлаб кетганликда айбдор деб топди.
Француз икки йиллик синов муддати билан шартли қамоқ жазосини олди. Патриснинг алиментдан 969 минг евро қарзи ҳам бор.
Эвра ижтимоий тармоқларда тўқ сариқ қамоқхона формасини кийиб, қўллари кишанланган ҳолда баскетбол тўпини ҳалқага улоқтиргани, кейин эса қувноқ мусиқа остида қўшиқ куйлаб, рақсга тушган видеосини жойлаштирди.
"Менга бу ахлат хабарни ёпишга рухсат беринг: қаранг, қамоқхонада ҳаёт менга қанчалик ёқади", - деб ёзди "Манчестер Юнайтед" ва "Ювентус"нинг собиқ футболчиси ижтимоий тармоқларда.
