"Манчестер Сити" дарвозабон Эдерсонни Саудия Арабистонига қўйиб юбориш ниятида эмас.
Ой бошида бразилияликнинг "Ан-Наср" билан келишуви ҳақида матбуотда маълумотлар пайдо бўлди. "Шаҳарликлар" дарвозабон билан хайрлашишни исташмаяпти, шу боис у билан келажагини муҳокама қилиш учун йиғилиш ўтказишади. SunSport хабарига кўра, "Манчестер Сити" Эдерсонни кетмасликка кўндириш учун унга маошини сезиларли даражада оширишни таклиф қилади - тахминан 75%. Муҳокамалар кейинги ҳафтага режалаштирилган.
Эдерсоннинг инглиз гранди билан амалдаги меҳнат шартномаси 2026 йилнинг ўрталарига қадар тузилган. Футболчи август ойида 31 ёшга тўлади.
