Франция терма жамоаси Европа чемпионатининг ярим финалига чиқди, бироқ ҳужумкор Испания терма жамоасининг қаршилигини бартараф эта олмади. "Уч ранглилар" собиқ футболчиси Кристоф Дюгарри нисбатан омадсиз ўйинда жамоа бош мураббийи Дидье Дешамни айблади. Унинг фикрича, Дешам ҳужумкор ўйин қурмаган.
"Бу унинг муваффақиятсизлиги, шахсий, содир бўлган воқеалар учун Дешам энг масъул шахс. Испанлар попкорн каби Франциянинг ҳимоясини еб ташлашди. Биз ҳужумда даҳшатли даражада ёмон ўйнадик ва ҳар жиҳатдан Евродаги энг ҳужумкор жамоага ютқаздик", - дея Дюгарри сўзларини келтиради RMC Sport.
Французлар охирги марта 2000 йилда Европа чемпиони бўлишган.
