Испания терма жамоаси ҳужумчиси Альваро Мората Евро-2024 финал учрашуви олдидан Англия терма жамоаси ҳақида гапирди.
Эслатиб ўтамиз, ўйин 14 июль куни бўлиб ўтади.
"Биз Англияга катта ҳурмат билан қараймиз - мамлакат сифатида ҳам, футбол жамоаси сифатида ҳам.
Бу тарихдаги энг буюк номлардан биридир. Уларда афсонавий футболчилар бор ва Премьер-лига дунёдаги энг яхши лигалардан бири.
Уларнинг жамоасидаги ҳамма ўйинчилар билан яхши муносабатдаман. Биз бир-биримизни ҳурмат қиламиз.
Бу финал ва улар ҳам худди шундай ёндашишларини биламан – бу ҳурмат, бу футбол ва биз икки буюк терма жамоамиз", деди Мората ўйин олдидан.