"Барселона" марказий ҳимоячиси Иньиго Мартинес ҳеч қандай ҳолатда жамоани тарк этиш ниятида эмас.
Миш-мишларга кўра, 33 ёшли футболчи, агар "кўк-анорранглилар" уни Ла Лигада рўйхатдан ўтказа олмаса, шартномасини бекор қилиш имкониятини кўриб чиқади.
Журналист Адриан Санчеснинг Мартинес атрофидагиларга таянган ҳолда хабар беришича, марказий ҳимоячининг ҳозирча бундай режаси йўқ.
У клубнинг аҳволини тушунади ва кутишга тайёр. Иньиго Мартинес ўтган ёзда эркин агент сифатида "Барселона"га ўтган эди. Аввалроқ футболчи Бильбаонинг “Атлетик” клубида ўйнаган.
