"Манчестер Юнайтед" ярим ҳимоячиси Кристиан Эриксен ёзги трансфер ойнасида жамоани тарк этиши мумкин.
Данияликнинг "қизил иблислар" билан шартномаси келаси мавсум охирида якунига етади. The Mirror хабарига кўра, ярим ҳимоячи ёз охиригача ўз клубини ўзгартириши мумкин. "Манчестер Юнайтед" 32 ёшли футболчини қулай нархда сотишга тайёр.
Ўтган мавсумда Кристиан Эриксен Эрик тен Хаг жамоасида 28 та ўйин ўтказиб, битта гол ва 3 голга ассистентлик қилган. Transfermarkt портали хабарига кўра, Дания терма жамоаси етакчисининг нархи 8 миллион еврони ташкил қилади.
