Грузиялик дарвозабон Георгий Мамардашвили ёзги трансфер ойнасида «Валенсия»ни тарк этиши мумкин. Бу ҳақда "Todofichajes" портали журналистлари хабар бермоқда.
Манбага кўра, «кўршапалаклар» дарвозабонни 40 миллион еврога сотишни режалаштиришган. Мамардашвилига даъвогарлар орасида Лондоннинг «Челси» ва «Атлетико Мадрид» клублари бор. «Матрасчилар» жорий трансфер ойнасида клубини ўзгартириши мумкин бўлган словениялик Ян Облакнинг ўрнига грузиялик футболчи номзодини кўриб чиқмоқда.
23 ёшли дарвозабон 2022 йилнинг январидан бери «Валенсия»да тўп тепмоқда, унинг шартномаси 2027 йилнинг июнь ойи охиригача амал қилади.
