Анхел Ди Мария Аргентина терма жамоасидаги фаолиятини якунлади.

36 ёшли вингернинг терма жамоадаги сўнгги ўйини Колумбияга қарши (1:0) Америка кубоги финали бўлди.

Умуман олганда, Да Мария терма жамоа ва клублардаги фаолияти давомида 35 та соврин ютган.

У Америка Кубогида 2 та (2024, 2021) ва Жаҳон чемпионатида (2022) ва Финалиссимода (2022) биттадан совринга эга.

Аргентина олимпия терма жамоаси аъзоси сифатида Ди Мария 2008 йилги ўйинларда, ёшлар терма жамоаси таркибида эса 2007 йилги Жаҳон чемпионатида (U-20) ғолиб чиққан.

"ПСЖ" таркибида у Лига 1, Франция кубоги ва Франция Суперкубогини 5 марта, Франция Лига кубогини 4 марта қўлга киритган.

"Реал Мадрид" таркибида Ди Мария Чемпионлар лигаси, Ла Лига, УЕФА Суперкубоги ва Испания Суперкубогини, икки марта Испания кубогини қўлга киритди.

“Бенфика” билан футболчи ўтган йили Португалия суперкубогини қўлга киритганди. Илгари, Лиссабон клуби футболчиси сифатида Ди Мария 2010 йилда Португалия чемпионатида ғолиб чиққан, шунингдек, икки марта Португалия Лигаси кубогини қўлга киритган.