Аргентина ва Колумбия терма жамоалари ўйинчилари ўйинчиларнинг оилаларини аренага киритишлари учун стадиондан ташқарига чиқишга мажбур бўлишди, дея хабар бермоқда журналист Фавиан Ренкел.
Икки жамоа футболчилари оилаларини олиб, стадионга олиб келиш учун ташқарига чиқишга мажбур бўлишди.
2024 йилги Америка кубоги финал ўйини бошланишидан олдин Маямидаги “Hard Rock” стадиони олдида ва стадионнинг ўзида мухлислар ва ҳуқуқ-тартибот идоралари ходимлари ўртасида тартибсизликлар бошланди. Ўйинга чиптаси бўлмаган 7 мингга яқин одам киришга ҳаракат қилди.
Стадион яқинида тиқилинч бошланди, бир неча киши жароҳат олди, яна бир қанча мухлислар полиция томонидан ҳибсга олинди.
Шу боисдан ўйин бошланиши деярли бир ярим соатга кечиктирилди.
Аргентина – Колумбия ўйини қўшимча бўлимлардан сўнг 1:0 ҳисобида аргентиналикларнинг ғалабаси билан якунланди. Учрашувдаги ягона гол Лаутаро Мартинес томонидан киритилди.
