"Вильярреал" клуби ва Норвегия терма жамоаси ҳужумчиси Александр Серлот фаолиятини Италияда давом эттириши мумкин.

Corriere dello Sport нашри хабарига кўра, 28 ёшли футболчи "Рома"га ўтишга рози бўлган ва энди Рим клуби "Вильярреал" билан трансфер суммасини келишиб олиши керак.

Қайд этилишича, "Рома" тез орада норвегиялик форварднинг трансфери учун 25 миллион евро ва 5 миллион бонус таклиф қилади, унинг шартномасида товон пули 38 миллион.

Серлот ўтган мавсумда 23 та гол билан Ла Лиганинг иккинчи тўпурари бўлди. Ҳаммаси бўлиб норвегиялик футболчи барча мусобақаларда "Вильярреал"нинг 41 та учрашувида 26 та гол урди ва 6 та голли узатмани амалга оширди.