"Vilyarreal" klubi va Norvegiya terma jamoasi hujumchisi Aleksandr Serlot faoliyatini Italiyada davom ettirishi mumkin.
Corriere dello Sport nashri xabariga ko‘ra, 28 yoshli futbolchi "Roma"ga o‘tishga rozi bo‘lgan va endi Rim klubi "Vilyarreal" bilan transfer summasini kelishib olishi kerak.
Qayd etilishicha, "Roma" tez orada norvegiyalik forvardning transferi uchun 25 million yevro va 5 million bonus taklif qiladi, uning shartnomasida tovon puli 38 million.
Serlot o‘tgan mavsumda 23 ta gol bilan La Liganing ikkinchi to‘purari bo‘ldi. Hammasi bo‘lib norvegiyalik futbolchi barcha musobaqalarda "Vilyarreal"ning 41 ta uchrashuvida 26 ta gol urdi va 6 ta golli uzatmani amalga oshirdi.
