Гари Линекер Харри Кейнга терма жамоадаги фаолиятини якунлаш ҳақида ўйлаб кўришни таклиф қилди.

Евро-2024 финалида Англия ва Испания (1:2) ўйинида 30 ёшли "Бавария" форварди 61-дақиқада алмаштирилди. Турнирда Кейн 7 учрашувда 3 та гол урди.

"У бу турнирда ўзига ўхшамади. 30-31 ёшимда оёқларим ишдан чиқа бошлади.

32 ёшимда терма жамоада ўйнашни тугатдим. 31 ёшимда оёқларим заифлаша бошлади ва бу даҳшатли эди. Бу менинг терма жамоадаги фаолиятини якунлаб, Японияга кўчиб ўтишга қарор қилганимнинг сабабларидан бири.

Ўзимни оёқларим бардош бера олмайдигандек ҳис қилдим ва охирги халқаро турнирда (Евро-92) ёмон эдим.

Балки Кейн шунчаки чарчагандир ёки унга бирор нарса таъсир қилгандир, лекин у ҳозир неча ёшда, 31 ёшда? Ўшанда мен ўзимни ёмон ҳис қила бошладим", - деди Англия терма жамоасининг собиқ ҳужумчиси.