Испания терма жамоаси ҳужумчиси Альваро Мората Европа чемпионатидаги ғалабадан кейин жароҳат олган ярим ҳимоячи Гавига мурожаат қилди.
Душанба куни испанлар бир кун аввал Англия билан финалда (2:1) қўлга киритган ғалабасини мухлислари билан нишонлашди. “Қизил фурия” сардори Мората ўз нутқини гапирар экан, кузда олган оғир жароҳати сабаб турнирни ўтказиб юборган Гавини ҳам эслатиб ўтишни унутмади.
“Бу ғалаба, жумладан, сизнинг ёрдамингиз билан бўлди. Раҳмат, Гави. Сиз жамоанинг муҳим қисми бўлиб қоласиз. Характерингиз туфайли жанг қилишимизга ёрдам бердингиз. Сиз Испания терма жамоасининг келажагисиз, бунга ҳеч қандай шубҳа йўқ”, - деди Мората.
