"Челси"нинг собиқ бош мураббийи Маурисио Почеттино АҚШ терма жамоаси бош мураббийи лавозимига номзодлардан бири.
Аргентиналик мутахассис 2023/24 йилги мавсум якунида Лондон клубидаги ўз лавозимини тарк этди – томонлар лойиҳанинг келажаги борасида келиша олишмади, шу боис ўзаро келишувга кўра йўлларни ажратишга қарор қилишди.
Яқинда ОАВда Почеттинонинг Англия терма жамоасига тайинланиши мумкинлиги ҳақида хабарлар пайдо бўлди. Ole'нинг ёзишича, 52 ёшли мутахассиснинг номзодига АҚШ футбол федерацияси ҳам қизиқиш билдирмоқда.
У Америка кубогидан сўнг ишдан бўшатилган Грегг Берхалтер ўрнига тайинланиши мумкин.
