Биринчи лига вакиллари — “Андижон” ва “Истиқлол” жамоалари ўртасидаги учрашувдан кейин иккала клуб бош мураббийлар ўйин тўғрисида ўз фикрларини билдиришди.

Мақсуд ЖАББОРГАНОВ (“Истиқлол” бош мураббийи):
— “Андижон”дек кучли таркибга эга бўлган жамоага муносиб қаршилик кўрсата олдик. Жамоамиз янги тузилган, энди шаклланмоқда. Шу боис футболчилар бир-бирларини тўла тушуниб кетишлари учун бироз вақт керак. Андижонликлар ҳали ўз дарвозасидан тўп ўтказишмаганди ва биз биринчи бўлиб гол урдик. Натижа ижобий бўлмаган бўлса-да шогридларим кўрсатган ўйиндан қониқдим. Мақсадимиз кучли саккиз жамоа қаторидан жой олиб, кейинги босқичда иштирок этиш. Мана шу таркиб билан бу вазифани бажаришимизга ишонаман.