Ярим ҳимоячи Адриен Рабьонинг келажаги номаълумлигича қолмоқда. "La Gazette Dello Sport" ўз саҳифаларида хабар беришича, «Ювентус» 29 ёшли футболчи учун янги шартнома таклифини яхшилаган. Франциялик футболчи жорий ҳафта ичида жавоб бериши кутилмоқда.
Хабарингиз бор, Рабио июль ойи бошидан эркин агентлар рўйхатидан жой олган. Гап шундаки, ярим ҳимоячининг «Ювентус» билан шартномаси якунига етди. Аввалроқ, миш-мишлар Адриенни бошқа клублар, жумладан, «Манчестер Юнайтед» билан боғлаган эди.
Адриен Рабио «Ювентус» сафида жами 212 та ўйинда майдонга тушиб, 22 та гол урди ва 15 та голга ассистентлик қилди.
