"Манчестер Юнайтед" ярим ҳимоячи Скотт Мактоминай бўйича яна бир таклифни рад этди.
Лондоннинг “Фулхэм” клуби шотландиялик футболчини ўз сафига қўшиб олишдан манфаатдор эди, бироқ лондонликлар “қизил иблислар” билан трансфер шартлари бўйича келишувга эриша олишмади, дея хабар беради журналист Жеймс Дакер. 27 ёшли футболчига бошқа даъвогарлар ҳам бор, аммо потенциал харидорларнинг ҳеч бири ҳали "Манчестер Юнайтед" талаб қилганидек, 30 миллион фунт стерлинг (35 миллион евродан ортиқ) тўлашга тайёрлигини билдирмаган.
Олдинроқ манкунианликлар Туркиянинг "Галатасарой" клуби таклифидан ҳам воз кечгани ҳақида хабарлар пайдо бўлганди.
