Муҳаммад Симакан "РБ Лейпциг"ни тарк этиши мумкин.
24 ёшли ҳимоячига "Ливерпуль" ва "Атлетико" клублари қизиқиш билдирмоқда. Сўнгги кунларда ушбу клублар футболчининг трансфери эҳтимоли ҳақида суриштирувлар олиб боришган, деб хабар бермоқда Sky Sport журналисти Флориан Плеттенберг.
"Лейпциг" французни сақлаб қолмоқчи, лекин уни 40-45 миллион еврога қўйиб юбориши мумкин. Футболчининг ўзи янги жамоага ўтиш учун очиқ.
Ўтган мавсумда Симакан 32 та ўйин ўтказиб, 2 та гол ва 3 та голли узатмани амалга оширди.
